Земјотрес со јачина од 3,6 степени според Рихтеровата скала денеска во 9 часот и 47 минути го погоди Петровац на Млава, соопшти српскиот Републички сеизмолошки завод, објави ТВ Н1.
Интензитетот во епицентарот е проценет на од V до VI од Меркалиевата скала.
„Земјотресите со таков интензитет можат да предизвикаат многу мали оштетувања на објектите во епицентралното подрачје“, наведуваат од Институтот.
По овој земјотрес следеа три помали – со јачина од 1,9, 2,6 и 2,3 степени според Рихтеровата скала.
Претходно, Европско-медитеранскиот сеизмолошки центар (EMSC) соопшти дека епицентарот на земјотресот бил на 50 километри североисточно од Крагуевац и 35 километри североисточно од Јагодина.
#Earthquake (#земљотрес) possibly felt 38 sec ago in #Serbia. Felt it? Tell us via:
📱https://t.co/IbUfG7TFOL
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/AzC89MVz2P— EMSC (@LastQuake) December 3, 2023
Жителите на подрачјата погодени од земјотресот за медиумите сведочат што доживеале.
„Нешто пукна и се околу нас почна да се тресе, само излетавме“, изјави за Телеграф.рс А. М. од околината на Свилајнец, како било кога го почувствувала земјотресот.
Дека и вториот земјотрес бил силен сведочат и жители на Петровац на Млава.
„Овој земјотрес ме разбуди. Мама го држеше телевизорот да не падне“, вели друг жител на Петровац на Млава.
