Во рамки на дводневната официјална посета на Словенија премиерот Зоран Заев и вицепремиерот Кочо Анѓушев одржаа неколку средби со словенечки компании и оттаму најавија нова инвестиција на компанијата „Таб мак“ во висина од 25 милиони евра која што ќе отвори над 90 нови работни места во Пробиштип и околината.

 Господинот Липновик, директор на компанијата „Таб мак“, ја сподели добрата вест со нас, дека е донесена одлука да направат нова инвестиција за фабриката за акумулатори во Пробиштип во вкупна вредност од 25 милиони евра која што ќе отвори нови од 70 до над 90 работни места“, рече Заев.

Вицепремиерот Анѓушев посочи дека за време на работната посета во Словенија, остварена е работна средба со претставници на 17 словенечки компании кои имаат операции во државата, кои ги презентираа своите идни планови и притоа изразија задоволството од бизнис-климата во нашата земја и актуелната политичка состојба.

Управителот на „Таб Мак“, Игор Липовник истакна дека станува збор за компанија која успешно функционира од 1965 година, а во 2012 ја презема фабриката „Злетово“, која во тој момент имала 168 вработени и вкупно околу пет милиони годишен приход.

„Досега инвестиравме околу 19 милиони евра, а приходот од пет милиони евра се зголеми на 66 милиони евра на годишно ниво. Тоа значи дека производството од 1,2 милиони акумулатори, кои се вградуваат во „волфцваген“, „цитроен“ и „рено“ сега ќе се зголеми на над 3 милиони произведени акумулатори. Воедно очекуваме производството на батерии за  вилушкари, од 350 илјади парчиња, да се зголеми на над еден милион произведени парчиња“, изјави Липовник.