Ирачките сили полека напредуваат во средиштето на Рамади, потиснувајќи ги и последните припадници на Исламска држава.
Борбите се водат околу поранешното седиште на покраинската влада, кое го држи Исламска држава, а се наоѓа во средиштето на градот во кој ирачките сили влегоа во вторникот.
Заземањето на зградата ќе биде важна етапа во постапното ослободување на градот, центар на покраината Ал Анбар, која припадниците на ИД ја освоија во мај.
Ирачките сили се нааоѓаат на околу 500 метри од владиниот комплекс и напредуваат многу внимателно затоа што улиците и зградите се минирани, а џихадистите држат цивили како жив штит, соопшти ирачки војник.
Портпаролот на меѓународната коалиција рече дека припадниците на ИД пружаат силен отпор.
Се проценува дека во градот има уште околу 400 припадници на ИД.
Ситуацијата во градот е многу тешка затоа што повеќе нема храна во продавниците.
