„Криминалната групација СДСМ не успеа да го направи првиот чекор за на мала врата да ја протурка платформата од Тирана. Криминалната врхушка на чело на СДСМ сепак не се откажува од таквата своја намера, да формира влада по волјата на Рама. СДСМ, за да ја спаси својата криминална врхушка да не оди во затвор, ја турка целата држава во политички амбис“, обвини денеска ВМРО-ДПМНЕ во соопштение.
Партијата го обвини својот политички соперник дека се плаши од дебата.
„Криминалната групација СДСМ се плаши од дебата и од обелоденување пред граѓаните за сите овие работи кои ги прифатиле, а кои во крајна фаза ја имаат федерализацијата на Македонија. Граѓаните се гневни на ваквото однесување на криминалната групација СДСМ и се чувствуваат изманипулирани од СДСМ, кој сака да им ја продаде државата. Затоа криминалната групација СДСМ наспроти себе ги има граѓаните на Македонија, кои си ја бранат својата држава“, порача ВМРО-ДПМНЕ.