Мораме да им кажеме на „Ајде“ и на нивните старешини од соросовата партија на Зоран Заев дека празниот простор што го оставаат празните зборови и празните глави на идеолозите на опозицијата, не се пополнува со вакви обиди за монтипајтоновски едночинки, реагира ВМРО-ДПМНЕ на денешниот протест пред Владата.
„На членовите на соросовата „Ајде“, би сакале да им посакаме добредојде назад на локацијата на која оставија стотина тони смет и ѓубре пред да заминат на својот летен одмор. Доколку членовите на оваа НВО-експозитура на СДСМ се вратија загрижени да видат дали некој го исчистил ѓубрето што го оставија кога го напуштија кампот по 40-дневната узурпација на јавниот простор, би сакале да ги потсетиме дека има луѓе кои водат сметка за овој простор веќе девет години. Имаме разбирање за нивната набиена агенда, во која истите луѓе секој ден под различно име на некоја невладина имаат задача да го пополнат празниот простор, кој со својата безидејност и безличност го оставаат нивните ментори од СДСМ и соросовите мудреци како Милчин, Ордановски и Героски. Денеска се пред Влада, утре ќе протестираат зашто полицијата ја брани границата кај Гевгелија, задутре ќе протестираат зашто Македонија е земја во која се снима филм и ќе влезат неколку милиони евра. Спремни се да протестираат и доколку поевтини струјата или бензинот во Македонија и овие натчовечки напори им ги поздравуваме“, реагираат од ВМРО-ДПМНЕ.
