fbpx

ВМРО-ДПМНЕ поднесе закон за амнестија за осудените за упадот во Собранието на 27 април

-

Пратеничката група на ВМРО-ДПМНЕ во Собранието на РСМ денеска поднесе предлог-закон, инициран од адвокатите Јанаки Митровски и Драган Пешевски, за целосна амнестија на лицата осудени за упадот во Собранието што се случи на 27 април 2017 година.

„Овој предлог е само продолжение на претходниот закон за амнестија, кој е донесен во декември 2018 година, но со една голема и суштинска исправка, а тоа е надминување на селективноста и селективната правда што произлегуваше од законот донесен во 2018 година“, изјави координаторот на пратеничката група на ВМРО-ДПМНЕ, Никола Мицевски.

Пратеничката група, очекува законот да го поддржат и колегите од владејачкото мнозинство.

„Се надеваме и повикуваме дека мнозинството ќе го прифати и поддржи и ќе гласа за овој предлог на Закон, бидејќи, доколку во спротивно не го стори тоа, ќе покаже и докаже дека за нив селективноста е на прво место, а владеењето на правото и правдата во Македонија ги нема никаде“, изјави Никола Мицевски, координатор на пратеничка група на ВМРО-ДПМНЕ.

Од оваа партија ја поддржаа иницијативата на двајцата адвокати, кои бараа целосна амнестија за лицата осудени на затворски казни до 10 години и намалување на казните за оние кои добија повисоки затворски казни.

За владеачката СДСМ ослободувањето на осудените за упадот во собранието е неприфатливо. Во предлогот препознаваат лицемерие, бидејќи, како што велат, ВМРО-ДПМНЕ сега поддржува насилници, ама немала слух да гласа за економска помош на граѓаните и компаниите.

На 27 април 2017 година, маскирани учесници во протестите организирани од граѓанската иницијатива „За заедничка Македонија“, кои бараа отфрлање на т.н. „Тиранска платформа“ и одржување нови парламентарни избори, насилно упаднаа во Собранието и физички нападнаа пратеници и новинари.

На почетокот на јули 2021 година, тогашната обвинителка Вилма Русковска во завршните зборови на судскиот процес рече дека обвинетите лица направиле план за терористичко загрозување на уставниот поредок и безбедноста, со цел да спречат мирно примопредавање на власта, што пак довело до нападот на Собранието на 27 април 2017 година.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Светските лидери со осуда за нападот врз Трамп

Лидерите ширум светот го осудија обидот за атентат врз поранешниот американски претседател Доналд Трамп и изразија загриженост за него. Претседателскиот кандидат на Републиканската партија беше на митинг во Пенсилванија...