Владата го подготви зголемувањето на платите во јавниот сектор и на пензиите

Владата го утврдила предлог-законот со кој ќе се изврши зголемување од 10 отсто на платите во јавниот сектор и на пензиите, со важност од овој месец

-

На 183-та седница, Владата го утврдила предлог-законот со кој ќе се изврши зголемување од 10 отсто на платите во јавниот сектор и на пензиите, со важност од овој месец, соопшти владината Служба за информирање.

Утврден е Предлогот на закон за изменување и дополнување на Законот за извршување на Буџетот на Република Северна Македонија за 2023 година, како и Предлог – одлуката за прераспределба на средства помеѓу буџетските корисници на централната власт и помеѓу фондовите.

Всушност, според она што може да се прочита во соопштението, зголемувањето ќе се „покрие“ со прераспределба на средства помеѓу буџетските корисници и фондовите. Според образложението од предлагачот на точките, Министерството за финансии, не се потребни дополнителни финансиски средства, односно парите ќе се префрлаат од еден на друг субјект, за да се постигне зголемување на сите плати на јавната администрација.

Дополнително, така ќе се обезбедат и пари за исплата на регрес за годишен одмор за 2023 година согласно одредбите од Општиот колективен договор за вработените во јавниот сектор.

Предлог-законот предвидува и префрлање пари „за спроведување мерки за надминување на определени непредвидени состојби во стопанството“, како и дополнителни пари за субенции во земјоделството и за образованието; како и за дополнителна државна помош за домашни и странски компании. Планирани се и дополнителни пари за социјалното осигурување и за лекови во здравството.

Се очекува наскоро Предлогот на закон за изменување и дополнување на Законот за извршување на Буџетот на Република Северна Македонија и предметната Предлог – одлука да бидат доставени до Собранието.

Љутков: Културата и европските престолнини на културата се моќен двигател за одржливиот развој

Министерот за култура и туризам Зоран Љутков учествуваше на Состанок на министрите за култура од Западен Балкан. На состанокот на кој присуствуваа и еврокомесарите за проширување и за меѓугенерациска правичност, млади, култура...

Детектор анкета: Мерките за замрзнување не даваат ефект, граѓаните ги обвинуваат маркетите за инфлацијата

Само 16 проценти од граѓаните можат целосно да си ги покријат месечните трошоци за живот, покажува анкетата која за емисијата Детектор на Сител ја спроведе Институтот за политички истражувања Скопје. Третина...

Парламентарни избори во Косово

Во Косово денеска се одржуваат парламентарни избори, на кои граѓаните ќе можат да гласаат во 941 избирачки центар и 2,533 гласачки места. Косовските граѓани во дијаспората гласаа вчера во 30 дипломатски претставништва,...

Истрага против дилер на дрога во Скопје

Основното јавно обвинителство Скопје донесе Наредба за спроведување истражна постапка против 46-годишен скопјанец осомничен за кривично дело – Неовластено производство и пуштање во промет наркотични дроги, психотропни сустанции и прекурсори по...

Љутков: Културата и европските престолнини на културата се моќен двигател за одржливиот развој

Министерот за култура и туризам Зоран Љутков учествуваше на Состанок на министрите за култура од Западен Балкан. На состанокот на кој присуствуваа и еврокомесарите за проширување и за меѓугенерациска правичност,...