Возачот на Вилијамс, Финецот Валтери Ботас, кој денеска го зазеде шестото место во квалификациите за првата годинашна трка во Формула 1, итно е префрлен во болница поради болки во грбот, пренесе „Екипа“.
Под знак прашалник е учеството на Ботас на утрешната трка за Големата награда на Австралија.
Ботас и за време на квалификациската трка имаше болки во долниот дел од грбот, а откако тие се засилиле, е префрлен во болница за да се завршат неопходните прегледи. Од неговиот тим соопштуваат дека дополнително ќе дадат информација околу состојбата на возачот и за евентуалното отсуство од утрешната трка.
