fbpx

Уставен суд го отфрли барањето од Милошоски за обвинението за „Моќник“

-

Уставен суд соопшти дека го отфрлил барањето за заштита на слободи и права поднесено од пратеникот и член на Извршниот комитет на ВМРО-ДПМНЕ, Антонијо Милошоски, кој како повреда на неговите слободи и права го сметал обвинението поднесено против него во случајот Моќник.

„Уставниот суд оцени дека обвинителниот акт не претставува поединечен акт со кој се одлучува за поединечни слободи и права за граѓаните, односно за ограничување или одземање на одредени слободи и права гарантирани со Уставот, туку станува збор за поднесок, односно едностран процесуален акт кој е основа за водење на кривична постапка“, се вели во известувањето од Уставен суд.

Милошоски со барањето ги поднел следните документи: Обвинителен акт КО.бр. 3998/19 од 24 август 2020 година на Основното јавно обвинителство Скопје, поднесен до Основниот кривичен суд Скопје и Решение 11 К-ООА бр.96/2020 од 7 октомври 2020 година на судија за оценка на обвинителен акт на Кривичниот суд Скопје – Кривичен оддел.

Милошоски се пожалил дека Актот и Решението биле донесени од неетички и малициозни причини и тоа било исклучиво со цел да се врши притисок и политичка дискредитација врз него, како пратеник од ВМРО ДПМНЕ.

Случајот „Моќник“, освен Антонијо Милошоски, го опфаќа и неговиот татко, како и поранешниот претседател на Лустрациската комисија Томе Аџиевски. „Моќник“ беше отворен од СЈО, за злоупотреби со барање на Милошоски за лустрација на судија од Кичево, како и за имот кој го купил неговиот татко.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

На вебинар за „сајбер чистка“ ќе дознаете како да се брише „дигиталната прашина“

Живееме во време кога да се одржува сајбер хигиена е исто како да се одржува лична хигиена. Taa мора редовно да се одржува, а веќе кога ќе премине во...