Новата влада се очекува до 20 јуни, а најверојатно ќе ја сочинуваат ВМРО-ДПМНЕ, „Вреди“ и ЗНАМ, напиша на социјалната мрежа „Х“, пратеникот и член на Извршниот комитет на ВМРО-ДПМНЕ, Антонијо Милошоски.
Неговата објава доаѓа по вчерашното прегласување за парламентарните избори на седум избирачки места – шест во петтата и едно во шестата изборна единица.
#Macedonia 120-seat Parliament election 🇲🇰 :
VMRO DPMNE+-EPP: 58
DUI~S&D|EPP|NI: 18
SDSM+-S&D|RE|G/ECR: 18
VREDI~NI: 14
Levica~LEFT: 6
ZNAM-*: 6 MPs
…
The new government is expected until 20.June, most probably VMRO +VLEN +ZNAMhttps://t.co/Wz7ygeAWwG #Избори2024 #IzboriMK pic.twitter.com/QKxvor6FrI— Antonio Macedonian (@AMiloshoski) May 22, 2024
Резултатите што синоќа ги соопшти Државната изборна комисија (ДИК) покажуваат дека ДУИ изгуби еден пратенички мандат, додека коалицијата „Вреди“ доби еден пратеник плус во Собранието. „Вреди“ сега има 14 пратеници, на сметка на „Европскиот фронт“ предводен од ДУИ, кој наместо 19, сега има 18 пратеници.
Коалицијата „Твоја Македонија“ предводена од ВМРО-ДПМНЕ е победник на парламентарните избори со освоени 58 пратенички места. „Коалицијата за Европска иднина“ предводена од СДСМ има 18, додека движењето ЗНАМ – За наша Македонија и Левица имаат по шест мандати.
Движењето ЗНАМ досега официјално не потврди дека ќе биде дел од новата влада предводена од ВМРО-ДПМНЕ.
