Ураганот Ото им се заканува на Никарагва и на Костарика, каде веќе е издадено предупредување. Владата на Костарика нареди евакуација на 4.000 жители на северот на Кариби.
Жителите по морски и по воздушен пат се пренесуваат во безбедни зони.
Најмалку четири лица загинаа во Панама поради невремето кое е проследено од силен дожд, предизвикан од надоаѓањето на бурата.
Ураганот Ото, кој дува со брзина од 120 километри на час, се приближува до Костарика и до Јужна Никараква. Се очекува дека ќе предизвика бројни поплави и свлечишта.
