Маж кој патувал со голема група бегалци од Авганистан загинал, кога граничарите во близина на југоисточниот бугарски град Средец отвориле предупредувачки оган, соопшти денеска Министерството за внатрешни работи на Бугарија.
– Нашата гранична патрола и полиција налетала на околу 50 престапници, кои незаконски влегле во нашата земја – рече Георги Костов, генерален секретар на министерството за внатрешни работи за државното радио БНР.
Костов рече дека мажите, на возраст меѓу 20 и 30 години, „најверојатно Авганистанци“, се приведени и се во добра здравствена состојба.
– Тие пружиле отпор при апсењето. Еден од полицајците отворил предупредувачки оган. Мигрантот е повреден кога куршумот рикошетирал – рече Костов, додавајќи дека мажот починал на пат до болница.