Партијата за движење на Турците (ТХП) денеска ќе го одржи третиот редовен конгрес. Конгресот ќе се одржи во хотелот „Александар палас“ во Скопје, со почеток во 13 часот.
На конгресот партијата ќе избира нов претседател, како и членови на централното собрание. Актуелниот претседател на партијата, Аднан Ќахил, веќе најави дека нема да се кандидира за нов мандат.
Аднан Ќахил е министер без ресор во Владата на Република Македонија, задолжен за странски инвестиции.
