Пред денешниот состанок на работната група за високото образование, која беше најавена од Министерството за образование, од „Студентски пленум“ инсистираат владините претставници да дојдат на Универзитетот.
– Посочуваме дека од овој момент натаму, преговорите не треба да се водат во Министерството за образование или во Владата. Дебатата за универзитетот мора да се одвива на универзитетот – наведуваат од пленумот, кој останува на ставот дека апсолутно е потребен целосно нов закон.
Студентите веќе неколку дена имаат прогласено автономна студентска област во УКИМ и на техничките факултети во Скопје.
