Vetëm ngjyra e verdhë në fasadën e Qeverisë prej vezëve që protestuesit mbrëmë i hidhnin në godinë në shenjë revolte për fshehjen e vrasjes së Martin Neshkovskit, kanë ngelur nga dhuna nëpër rrugët e Shkupit.
Sot në mëngjes hapësira rreth qeverisë është pastruar ndërsa punëtorët kanë riparuar dëmet.
Para godinës nuk ka forca të shtuara të policisë.
Rrugët janë të kalueshme e trafiku zhvillohet normalisht.
Sipas MPB-së, gjithsej janë lënduar 25 policë që janë pranuar në Spitalin e qytetit dhe Qendrën klinike.
Ministrja e brendshme, Gordana Jankulloska, diku kah mesnata i vizitoi të lënduarit.
Nga MPB nuk kanë të dhëna për protestues të lënduar.
Sipas mediumeve, janë lënduar disa persona, prej të cilëve edhe një anëtarë i lëvizjes civile “Lenka”.
Disa mediume shkruajnë se ka pasur persona me lëndime më të lehta dhe më të rënda.