Aq është e vështirë gjendja në shëndetësinë e vendit saqë sot është qëlluar me armë një mjek ndërsa tre tjerë janë lënduar në shkëmbimin e zjarrit në Klinikën e kirurgjisë abdominale, reagojnë nga LSDM-ja opozitare.
“Me Nikolla Gruevskin dhe Nikolla Todorovin filmat e kaubojve u bënë realitet nëpër spitalet. Është e palejueshme që në qendër klinike ku në ditë hynë me mijëra persona, duke kërkuar ndihmë shëndetësore, dikujt t’i lejohet të qëlloj me armë. Mjekët në shëndetësinë publike nuk kanë kushte elementare për punë ndërsa edhe rrogat i kanë të vogla. Për shkak të kaosit në shëndetësi, mjekët në Maqedoni janë të rrezikuar madje edhe vendin e punës” reagojnë nga LSDM.
Nga partia opozitare theksojnë se Todorov dhe Gruevski i kanë lënë mjekët pa mbrojtje e as siguri gjatë kryerjes së profesionit më fisnik, kujdesi ndaj shëndetit të qytetarëve.
