fbpx

Ristoska: Nëse nuk na vazhdojnë afatin, kemi plan rezervë

-

Prokurorja publike nga Prokuroria Speciale, Lençe Ristoska sonte në emisionin “Top Tema” përsëriti apelet për vazhdimin e afatit për ngritjen e aktakuzave që i posedon PSPS, por thekson se nëse kjo nuk ndodh, atëherë ata kanë plan “B”.

“Apelojmë të vazhdohet afati për ngritjen e aktakuzave i cili zgjat deri më 30 qershor. Nëse kjo nuk ndodh, kemi disa variante të cilat i shqyrtojmë dhe për këtë do të përmbahemi nga komentimi i planit “B”. Janë në lojë disa opsione. Sigurisht që ato materiale nuk do të qëndrojnë në kasafortë sepse qytetarët duhet të dinë çka ka ndodhur”, tha Ristoska.

Ristoska tha se nuk mund të tregojë se sa aktakuza PSP do të ngrejë deri në përfundim të afati, por shpreson se do të ketë shumë.

Në pyetjen se ku gjendet biznesmeni Sead Koçan ndaj të cilit ka fletë- arrest ndërkombëtarë, Risotska tha se informacionin zyrtar të cilin e ka Specialja është se ai është në arrati.

Ristoska vuri në dukje se nuk kanë frikë se Gjykata Kushtetuese do ta shpall Prokurorinë Speciale për institucion jo- kushtetues dhe duke u përgjigjur në pyetjen nëse pret PSP në të ardhmen të integrohet në prokurorinë e rregullt publike.

Ristoska shtoi se SPSP ende ballafaqohet me pengesa gjatë bashkëpunimit nga instanca tjera dhe si shembull të fundit përmendi problemi që e kishte Specialja me Drejtorinë për kundërzbulim financiar.

“Kemi dorëzuar kërkesë për dënimin e personave përgjegjës dhe kjo disi çuditërisht po zvarritet. Si shembull do ta përmend kërkesën për dënim që e ngritëm ndaj drejtorit të Drejtorisë së sigurisë dhe kundërzbulimit sepse ky institucion nuk u përgjigjet kërkesave tona”, tha Ristoska në emision.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.