fbpx

Reagimi i MPJ-së: Bllokadat dhe kërcënimet nuk kontribuojnë për paqen dhe stabilitetin e rajonit

-

Të gjitha bllokadat, kërcënimet për bllokada dhe deklaratat për imponimin e arsyetimit kundër anëtarësimit tonë, nuk janë në frymën e vlerave evropiane dhe nuk kontribuojnë për paqen dhe stabilitetin e rajonit, thuhet në reagimin e MPJ-së maqedonase pas deklaratës së kryeministrit shqiptarë Edi Rama për bllokadën e mundshme të Maqedonisë për hyrje në NATO si dhe pas deklaratës së shefit të diplomacisë ruse Sergej Lavrov se Shqipëria dhe Bullgaria kanë pretendime territoriale ndaj Maqedonisë.

“Është i nevojshëm bashkëpunimi i sinqertë dhe mbështetje pa rezervë nga fqinjët tanë dhe partnerët ndërkombëtarë. R. e Maqedonisë do të vazhdoj të punoj në mënyrë aktive në përforcimin e vazhdueshëm të bashkëpunimit me të gjithë fqinjët tanë dhe partner në interes të avancimit të rajonit”, thuhet në reagimin e ministrisë së punëve të jashtme.

Nga MPJ shtojnë se synimi strategjik i R. së Maqedonisë është integrimi në BE dhe NATO.

“Ky është interesi i të gjithë qytetarëve maqedonas për një të ardhme më të mirë, zhvillim ekonomik, paqe dhe stabilitet në vend dhe rajon. Bashkëjetesa ndëretnike dhe respektimi i dallimeve kulturore, etnike dhe religjioze dhe të së drejtave të njeriut janë themeli i shoqërisë maqedonase dhe rregullimit kushtetues. Të gjithë ne së bashku jemi të bashkuar për të ardhme evropiane të R. së Maqedonisë”, thuhet në reagim.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.