Partia Evropiane Socialiste (PSE) me brengosje të madhe ndjek ngjarjet e fundit në Maqedoni- deklaroi anëtari i grupit të socialistëve në Parlamentin evropian dhe nën-kryetar i komisionit të përzier parlamentar i BE –Maqedoni, euro- deputeti nga Bullgaria, Sergej Stanishev i cili njëherit është kryetari i Partisë së socialistëve evropian.

-Proceseve demokratike dhe besimit të institucioneve iu kërcënohet një konfrontim më i madh. Më shumë herë Komisioni evropian dhe OSBE paralajmëruan kundër kërcënimeve ndaj votuesve dhe mungesën e pavarësisë së gjyqësisë, që shpesh është e partizuar. Në një ambient të shëndoshsë demokratik, opozita duhet të jetë e aftë të punoj në liri të plotë. Akuzat kanë motivim të qartë politik- deklaroi Stanishev për “Meta”.

Stanishev personalisht nuk është i njoftuar me incizimet nga përgjimet, por theksoi se kjo është e papranuar.

-Personalisht nuk jam i njoftuar me incizimet që janë publikuar, por mundësia që mijëra njerëz janë përgjuar është shokuese dhe e papranuar. Më tej, liria mediatike është elementare për demokratik funksional dhe është e çuditshme që deklaratat e Zaevit aq pak ishin të mbuluara nga mediumet. Mediumet mund të pajtohen ose jo me disa informacione, por obligimi i tyre kryesorë është që t’i informojnë njerëzit dhe të garantojnë liri se mund ta bëjnë këtë- tha Stanishev.

Stanishev paralajmëroi edhe mision të socialistëve evropiane në Shkup për javët e ardhshëm që të njihen me situatën nga afër dhe të kenë pamje të qartë për ngjarjet.