Lidhja Socialdemokrate të dielën në kongres partiak do t’i publikoj listat e kandidatëve për zgjedhjet e ardhshme parlamentare, deklaroi sot kreu i partisë, Zoran Zaev.
Ai shtoi se po zhvillohen bisedime me partnerët e koalicionit dhe qytetarët.
“Listat e kandidatëve do t’i publikojmë më 6 nëntor, të dielën, për kur është caktuar kongresi i partisë. Në vijim e sipër janë bisedat intensive me partnerët e koalicionit, por para se gjithash vëmendje të veçantë u kushtojmë takimeve me qytetarët, që do të jenë në listat e përbashkëta. Deri atëherë nuk do doja të nxjerr më shumë detaje” tha Zaev.
Ai tha se nuk do të dëshironte të komenton deklaratën e kreut të BDI-së, Ali Ahmeti se LSDM nuk ka nevojë të “gjuaj” vota tek shqiptarët, por porositi Ahmetin dhe “cilindo nga pushteti” që të shikojnë agjendën e tyre.