Euroambasadori Aivo Orav dhe ambasadori britanik Charles Garret gjatë vizitës së sotme në Gjevgjeli porositën se nevojitet sa më shpejtë një zgjidhje për krizën politike në Maqedoni.
Orav shprehu keqardhje që ajo ende nuk është arritur. ‘Vërejmë se shumica e partive politike nuk do të marrin pjesë në zgjedhje, se lista zgjedhore nuk është pastruar tërësisht, reforma e mediave shkon rëndë dhe se ende është serioz problemi me vendimin e faljes nga ana e kryetarit Ivanov’.
Marrëveshja, shtoi ai, ishte të organizohen zgjedhje kredibile, por për fat të keq për momentin nuk shohim sesi mund të realizohet ajo.
Ambasadori britanik Garrett, megjithatë, theksoi se urgjentisht duhet të vijë deri te marrëveshja për dalje nga, ashtu siç tha, qorrsokaku i tanishëm dhe për tërheqjen e vendimit për falje nga Ivanov, sepse, potencon Garett, më e rëndësishme në çdo shtet është qeverisja e së drejtës dhe barazisë së qytetarëve para Ligjit.