Kryetari i Unionit të forcave të reja të VMRO DPMNE-së, Vlladimir Nelloski, sonte pranë KSHZ dorëzoi listat e kandidatëve për deputet të partisë.
Siç tha Nelloski, në listë janë gjithsej 123 kandidatë, prej të cilëve 74 janë burra ndërsa 49 gra.
Në njësinë e parë zgjedhore listën do ta udhëheq kreu i partisë, Nikolla Gruevski. Ministri i jashtëm Nikolla Poposki do të udhëheq listën në njësinë e dytë zgjedhore. Në njësinë e tretë, kandidatët për deputet do t’i udhëheq koordinatori i grupit të deputetëve të VMRO DPMNE Ilija Dimovski. Njësinë e katërt do ta udhëheq Nikolla Todorov, njësinë e pestë Antonio Milloshoski ndërsa atë të gjashtën, deputeti Vllatko Gjorçev.
“Në pajtim me vendimin e djeshëm të Komitetit ekzekutiv dhe qendror të VMRO DPMNE, sot kam nderin të dorëzoj listat e kandidatëve për deputetë për zgjedhjet e parakohshme parlamentare më qershor të këtij viti. Janë gjithsej 123 kandidatë të propozuar në të gjithë gjashtë njësitë zgjedhore, prej të cilëve 74 janë burra ndërsa 49 gra- theksoi Nelloski.