Mediumet dhe KSHZ-ja janë gjërat e fundit të marrëveshjes së Përzhinos të cilat duhen të kryhen para se kryeministri Nikolla Gruevski të japë dorëheqjen dhe VMRO-DPMNE të emërojë një kandidat të ri për këtë post.
Në marrëveshjen e Przhinos pikërisht parashihet kryeministri të japë dorëheqje 100 ditë para zgjedhjeve parlamentare, të cilat do të mbahen më 24 prill të vitit 2016 ndërsa qeveria e re duhet të emërohet më 15 janar.
Gruevski, nëse respektohen afatet e parapara me ligj dhe t’i respektojnë të gjitha datat, “patjetër” të japë dorëheqje më 15 dhjetor. Kjo, megjithatë, është një ditë pas dëshmisë në Komisionin anketues për skandalin e materialeve të përgjuara,afat i cili vet kryeministri e njoftoi pasi e shtyu terminin e parë të planifikuar për 9 dhjetor.
Ja si do të shkonte tërheqja e Gruevskit nëse deri në fund të gjitha afatet mbarojnë dhe në mënyrë të saktë respektohet marrëveshja e Përzhinos:
- Nikolla Gruevski duhet të japë dorëheqje më 15 dhjetor;
- Presidenti i shtetit jep mandat në afat deri më 10 ditë;
- Mandatorët qeverinë e re duhet të propozojnë në afat brenda 20 ditëve në Parlament.
Kjo do të thotë:
- Presidenti i shtetit i jep mandatin VMRO-DPMNE-së më 25 dhjetor;
- Mandatori e propozon qeverinë e re në Parlament më 14 janar.
Këto janë afatet të cilat nëse respektohen të gjitha datat ligjore për një vendim nga ana e institucioneve të drejtuara.
Nëse, përsëri, afatet maksimalisht ngushtohen e gjithë kjo mund të ndodhë më 14 janar.
Në këtë rast, vetëm për një ditë presidenti i shtetit do t’ia kishte dhënë mandatin e tij VMRO-DPMNE-së dhe të njëjtën ditë qeveria e re do të ishte e propozuar ndërsa propozimi do të ishte dorëzuar në Parlamentin për votim.
Përndryshe, burime nga LSDM-ja për “Meta”, thonë se atyre nuk ju intereson kur saktë Gruevski do të japë dorëheqjen.
Siç thonë nga atje, në marrëveshjen e Përzhinos saktësisht qëndron se qeveria e re duhet të formohet 100 ditë para se të caktohen zgjedhjet.
– A do të ruhen të gjitha afatet, për shembull, 10 ditë që presidenti të japë mandat dhe edhe 20 ditë mandatori ta propozojë deri tek Parlamenti qeverinë e re, neve nuk na intereson. A do të përdoren të gjitha ditët apo gjithçka do të zgjidhet në një ditë është e parëndësishme. Ne duam Qeveria e re, pa Gruevskin në të, të votohet më 15 janar – thonë nga LSDM.
Zëdhënësi i VMRO-DPMNE-së, Ivo Kotevski tha se po përpiqen të jenë konstruktiv dhe të ruajnë të gjitha afatet e parashikuara në marrëveshjen e Përzhinos.
– Do të respektohen të gjitha afatet për shkak se zgjedhje patjetër duhet të ketë më 24 prill që qytetarët ta thonë fjalën e tyre – tha Kotevski.
