fbpx

Списокот со спорни гласачи ДИК го објави на интернет

-

Државната изборна комисија (ДИК) денеска го објави списокот на гласачи кои се проверуваат теренски по име презиме и адреса на живеење.

Списокот е достапен на официјалната интернет страница.

Доколку сакате да го преземете списокот кликнете тука.

На вчерашната седница на ДИК со 5 гласа „за“ и 4 „против“ беше усвоен предлогот на членовите од ВМРО-ДПМНЕ, Силвана Бонева и од ДПА, Бедредин Ибраими на веб-страницата на ДИК да бидат објавени имињата на лицата кои ќе бидат опфатени со теренската проверка, поради како што рекоа, транспарентност на процесот.

На територија на општина Чаир, Бутел и Шуто Оризари анкетарите треба да проверат 17.000 записи со податоци за спорни гласачи. Повеќе од 11.000 спорни гласачи има во Куманово и Липковскиот регион, речиси 7.000 во Центар и Аеродром, во Карпош и Тетово по 6.000, а 4.000 има во Битола.

Членовите на ДИК, за процесот да се одвива побрзо, одлучија да го зголемат и бројот на анкетари од 376 на 488.

Заедно со анкетарите на терен има и набљудувачи од четирите политички партии кои, како што велат од ДИК, немаат право да влегуваат во комуникација со лицата кои се анкетираат при теренските проверки.

Теренската проверка би требало да заврши до 3 април.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
Elden Ring- Elden Lord Armor Set and Set Greatsword скриншот од лична архива на Иван Стојановски

Експанзијата на „Елден Ринг“ ја губи публиката бидејќи е претешка за играње

Откако излезе експанзијата за Елден Ринг, „Shadow of the Erdtree", публиката почна масовно да се жали дека експанзијата е претешка за играње. Тоа и е причината што оваа експанзија...