Советот на јавни обвинители на вечерашнава вонредна седница ја разреши специјалната јавна обвинителка, Катица Јанева. За нејзино разрешување гласаа сите осум пристуни членови на Советот.
– Советот на јавни обвинители на денешната седница едногласно одлучи да ја разреши од функцијата специјален јавен обвинител Катица Јанева поради нестручно, незаконско и несовесно работење – изјави претседателот на Советот на јавни обвинители, Ацо Колевски.
Тој додаде дека одлуката за разрешување на Јанева стапува на сила од денеска. Колевски рече дека в понеделник ќе продолжи седницата на која ќе се расправа за обвинителите во Специјалното јавно обвинителство кога ќе биде констатиран престанок на нивниот мандат.
Јанева денеска беше разрешена и од пратениците на власта и опозицијата во Собранието, со 102 гласа од вкупно 105 присутни.
