Од утре до 28 сепетември, скопската обиколница ќе биде затворена за сообраќај секој работен ден од 7 до 19 часот, од клучката кај Хиподром до клучката во Сарај, поради снимање на францускиот игран филм „2015 A Fond“, информира Автомото-сојузот на Македонија.
Оттаму посочуваат дека на 22 септември годинава ќе биде редуциран и режимот на работа на патарината кај Петровец, додека секциите на автопатот околу Градско ќе бидат затворени во периодот од 28 септември до 25 октомври годинава и сообраќајот ќе биде пренасочуван.
Филмот ќе се снима во периодот од 3 септември до 25 октомври, на обиколницата околу Скопје, на одредени секции на автопатот Е-75, како и на патарината кај Петровец.
