Специјалното јавно обвинителство (СЈО) денеска нема да излезе со коментар за одлуката на претседателот, Ѓорге Иванов за поништување на помилувањата за 22 политичари, бидејќи сè уште не знаат за кои лица се однесува одлуката на претседателот, изјави за „Мета“, портпаролката на СЈО, обвинителката Ленче Ристоска.
– Наш став е дека не постои оправдување за селективен пристап кога станува збор за реализација на владеењето на правото и спроведувањето на правдата – ни изјави Ристоска.
Од СЈО неофицијално велат дека одлуката за поништување на помилувањата треба да се спроведе за сите лица, а не едни да бидат опфатени, а други не.
Оттаму додаваат дека сè уште немаат добиено и чекаат одговорот од кабинетот на Иванов на барањата на СЈО од каде претседателот ги добил податоците лицата за кои се водат предистражни постапки.
