fbpx

„Протестирам“: Не прифаќаме парцијално повлекување на аболицијата

-

Граѓанското движење „Протестирам“ денеска порача дека не прифаќа половично повлекување на аболицијата и оти ќе продолжат да протестираат на улиците.

„Не запираме! Парцијално повлекување на аболицијата не прифаќаме! Половична правда е неправда! Нема да запреме додека не се повлече аболицијата целосно. Не неколку, туку сите треба да бидат предмет на истрага. Чекориме по улицата за сите кои се сомничат за криминал да бидат изведени пред суд“, стои во реакцијата на „Протестирам“ објавена на „Фејсбук“.

Од таму порачаа дека нема да дозволат никој, вклучувајќи го и Иванов, да си поигрува со правдата.

„Претседателот си поигрува со нас, но уште повеќе се поигрува со правдата. #Протестирам за да не го дозволам ова поигрување! #Протестирам затоа што додека Иванов суди кого да аболицира, а кого не, на нашите соборци им се продолжи притворот. Таква „правда“ не е правда! Селективна правда е неправда!“, стои во реакцијата.

Иванов попладнево соопшти дека ја поништува аболицијата на 22 „политички експонирани лица“, додека останатите аболирани ќе треба индивидуално да поднесат барање за поништување на неговата одлука.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...