Маж од Штип на возраст од 42 години претпладнево околу 11:30 часот се удавил во водите на Дојранското езеро. Како што информираат од Министерството за внатрешни работи (МВР), лицето паднало од педалинка и се удавило во езерските води.
Од Центарот за управување со кризи информираат дека се трага по телото, а истото не е пронајдено заради тоа што во езерото имало премногу трски, алги и била слаба видливоста на езерските води.
Местото на настанот било обезбедено од припадници на МВР, а побарана е и помош од специјалните нуркачки единици на ова министерство.
За случајот со давење во водите на Дојранското езеро бил известен јавен обвинител.