Директорот на компанијата „Луфтханза“, Карстен Шпор, изјави дека ќе биде потребно уште многу време за да се дознае што се случило со авионот на компанијата.
Шпор, кој заедно со Томас Викелман, шеф на „Џерманвингс“, ќерка-компанија на „Луфтханза“, го посети местото на трагедијата на француските Алпи, вети дека на семејствата, кои во несреќата ги изгубиле најблиските, ќе им помагаат колку што можат.
– Сите во „Луфтхаза знаат колку беше ова тешка работа… Многу сме ви благодарни – рече Шпор, заблагодарувајќи им се на работниците на местото на несреќата и на локалното население.
Авионот „Џерманвингс“ со 144 патници и со шест членови на екипажот се урна пред една недела на Алпите во Франција.
Истрагата покажала дека копилотот Андреас Лубиц, кој боледувал од депресија и имал самоубиствени мисли, намерно го урнал авионот и со себе во смрт однел уште 149 лица.
