Вчера, во паркот со авион, во општина Аеродром, се одржа шеснаесеттото по ред државно првенство за шарпланинци.
На изложбата учествуваа 55 шарпланинци, а победник е шарпланинецот од Прилеп, кој воедно е и европски првак на натпреварот во Брно оваа година.
Изложбата на шарпланинци ја организираше Кинолошкиот сојуз на Македонија и Македонскиот клуб на овчарско куче шарпланинец.
Целта на изложбата е афирмација на шарпланинецот како единствена автохтона раса во Македонија, чие име потекнува од местото на потекло – Шар Планина.