fbpx

СДСМ предлага законски измени за продолжување на важноста на возачките документи

„Со измени на законите граѓаните и понатаму да може да ги користат на територијата на државата. Во меѓувреме граѓаните не смее да се казнуваат, никој не смее да биде казнет за учество во сообраќајот“, наведено е во соопштението на СДСМ

-

Пратеничката група на СДСМ ќе поднесе предлог за законски измени со кои на возачките дозволи, сообраќајните дозволи, осигурителните полиси и сообраќајните книшки ќе им биде продолжена важноста, соопштија денеска од партијата. Во меѓувреме, и техничкиот министер за внатрешни работи Панче Тошковски во гостување на Канал 5 вчера најави измени на Законот за изменување и дополнување на законот за патните исправи и Законот за безбедност во сообраќајот и рече оти измените ќе бидат итно доставени до Владата.

„Со измени на законите, граѓаните и понатаму да може да ги користат на територијата на државата. Во меѓувреме, граѓаните не смее да се казнуваат, никој не смее да биде казнет за учество во сообраќајот. Ова е соодветно решение, возачките се за домашна употреба и мора да важат и понатаму. За овие законски решенија очекуваме поддршка од сите пратенички групи во македонското Собрание“, пишува во соопштението на СДСМ.

Тошковски пак, кажа дека измените што тој ги предлага, се единствено решение на моменталната криза во која се доведени граѓаните кои од денеска, како што рече, се заробени во државата.

„Има решение на проблемот и тоа е многу едноставно. Ако има политичка волја за еден ден ќе ги решат маките на луѓето. За еден ден решение има, само треба да сакаат да имаат политичка волја. И немојте да ја залажуваат јавноста дека ќе сме прекршиле договор. По нивната логика, докторска, а не правничка, договорот е веќе прекршен. Но, ние не го прекршуваме договорот во предлог измените. Овде велиме „во рамки на технички функционални и возможни, објективни услови“ коишто ги имаме, да го усогласиме истиот согласно возможното и реалното“, вели Тошковски.

Тој кажа дека во моментов во државата има само 5.000 македонски и 10.000 албански обрасци за печатење пасоши, а причина за тоа бил несериозниот и непрофесионален пристап на претходното раководство.

Заклучно со Законот за патни исправи кој е на сила, од утре пасошите кои се со старото име нема да важат. Согласно законот за безбедност во сообраќајот, од утре нема да важат ни возачките дозволи кои се со старото име Република Македонија, ниту за внатрешна, ниту за надворешна употреба.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Агресивен пензионер е снимен во итната служба на Неапол, а не на вакцинален пункт

Видеото од објавата што ја рецензираме не е од центар за вакцинација туку од итната помош во Неапол. Како што информираат проверувачите на факти на на Factcheck.vlaanderen, самата болница...