Целата јавност се увери како Никола Груевски и неколкумина негови блиски соработници местат и крадат избори. Преку криминал, со издавања фалсификат лични документи, преку казни во илјадници евра на фирми, такси-компании, преку притисоци врз земјоделците, администрацијата, наставниците, врз најранливата категорија граѓани – социјално загрозенитe, пишува во реакцијата на СДСМ за денешната изјава на премиерот.
„Јавноста беше сведок како лично Никола Груевски нарачува правење „што поише невжачки ливчиња“ и проценува дека со „овие преспанциве“ ќе завршеле работа. Креаторот на сите овие изборни манипулации, местенки и злоупотреби, Никола Груевски, е уплашен од сенката на сопствените изборни грабежи“, пишува во соопштението на СДСМ.
