fbpx

САД одобри 61 милијарда долари за воена помош за Украина

Претставничкиот дом ја изгласа контроверзната мерка по неколку месеци одложување и вклучува 26 милијарди долари помош за Израел и 8 милијарди долари помош за земји во југоисточна Азија, вклучувајќи го Тајван, за да се спротивстават на „комунистичката Кина“

-

Претставничкиот дом изгласа мерка со која одобри милијарди долари за воена помош за Украина, Израел и земји во југоисточна Азија, вклучувајќи го Тајван, пренесува Би-би-си.

Мерката вклучува 61 милијарда долари за Украина, 26 милијарди долари за Израел, од кои 9 милијарди ќе се искористат за хуманитарна помош за Газа, и 8,1 милијарди за југоисточна Азија за „спротивставување на комунистичката Кина“.

Украинскиот претседател Володимир Зеленски неколкупати во последните недели изјави дека помошта од САД е „клучна“ и дека без неа Украина би ја изгубила војната против Русија.

Републиканските конгресмени кои гласаа за мерката истакнаа дека околу третина од парите за Украина ќе се искористат за обновување и снабдување на оружја и муниција.

Дополнително, Украина ќе добие помош од 9 милијарди долари од „простливи долгови“, односно долг кој не се обврзани да го вратат.

Следно треба мерката да биде одобрена од Сенатот, кој се очекува да ја изгласа, па да биде конечно одобрена од претседателот Џо Бајден.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Превртени кошеви и искршени седишта – институциите си префрлаат вина за руинираната спортска сала на УКИМ

Уште во далечната 2006 година на студентите при Универзитетот Св. Кирил и Методиј (УКИМ) им беше ветена најмодерна спортска сала, која дури по 11 години - во 2017, се...