Русија нападнала осум позиции на Исламска држава во Сирија, соопшти руското Министерство за одбрана, додавајќи дека за време на операцијата е избегната цивилната инфраструктура.
– Руските воздухопловни сили денеска бомбардираа осум позиции на терористичката група ИД во Сирија. Извршени се вкупно 20 лета. Како резултат на тоа, погодени се складиштата за оружје, нафта и за воена опрема. Координативните центри на ИД во планините се целосно уништени – рече портпаролот на руското Министерство за одбрана, Игор Конашенков.
Како што јавува „Раша тудеј“, портпаролот истакнал дека сите напади се извршени откако претходно биле направени надзорни летови и верификација на податоците со сириската војска. Тој истакна дека руските авиони не целеле цивилна инфраструктура и оти овие територии биле избегнати.
