fbpx

Руската сила продолжува со напади, и понатаму гинат цивили

Според Генералштабот, украинските одбранбени сили од почетокот на руската агресија врз Украина на 24 февруари 2022 година досега, убиле 315.620 војници на руските инвазиски сили, од што 1.130 во текот на изминатите 24 часа

-

Руските агресорски сили во текот на изминатото деноноќие извршиле 8 ракетни и 29 воздушни напади и 76 напади од повеќецевни ракетни фрлачи врз позициите на украинските воени сили, јави украинската државна новинска агенција ukrinform.net.

Освен тоа, Генералштабот на Вооружените сили на Украина во својот утрински извештај соопшти и за напади врз цивилни цели, во регионите Запорижја и Донецк. Дополнително, на други подрачја се вршени различни воени напади, при што настрадаа повеќе подрачја на истокот и на југот на Украина, каде што се главните воени дејствија. Погодени биле повеќе од 160 населени места.

Украинските воени сили, истовремено, продолжуваат со офанзивните дејствија во правец на Мелитопол и Бахмут, при што, според соопштението, се напаѓа воена жива сила сила и воена опрема. Во оперативниот сектор Север нема значајни дејствија во изминатово деноноќие.

Дополнително, според Генералштабот, украинските одбранбени сили од почетокот на руската агресија врз Украина на 24 февруари 2022 година досега, убиле 315.620 војници на руските инвазиски сили, од што 1.130 во текот на изминатите 24 часа.

Инаку, нуклеарната централа Запорижја, којашто е под команда на руските агресорски сили и на руската компанија „Росатом“, завчера во одреден период не испорачувала струја, односно не бил во функција реакторот 6, при што биле активирани агрегатите на погонски дизеле и безбедносни системи, во период од час и половина, се дознава од соопштението на „Енергоатом“, операторот на украинските нуклеарни електрани.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Пендаровски ја најави кандидатурата за претседател за втор мандат

Актуелниот претседател Стево Пендаровски ја најави граѓанската кандидатура за втор мандат и ги повика сите граѓани да дадат поддршка со потпишување во канцелариите на Државната изборна комисија. „Во недела очекувам...