И денешото рочиште од судскиот процес „Ровер“, во кое еден од обвинетите е и поранешниот министер за внатрешни работи, Љубе Бошкоски, е одложено. Како што пренесува „Телма“, рочиштето е одложено бидејќи судот ја чекал одлуката на специјалната обвинителка, Катица Јанева, околу преземањето на предметот.
Ако Јанева донесе одлука Специјалното обивнителство да го води овој случај, тогаш судскиот процес повторно ќе почне од почеток.
Бошкоски на последното рочиште, на 5 декември минатата година, презентираше транскрипти и други материјали за кои тврди дека содржат разговори што докажуваат дека неговото апсење за случајот „Ровер“ било наместено.
Тој рече дека преку неговиот адвокат, материјалите ќе ги достави до специјалната обвинителка, Катица Јанева.
