Регулаторната комисија за енергетика и водни услуги (РКЕ) донесе одлука со која се врши зголемување на малопродажните цени на нафтените деривати во просек за 1,91 отсто, во однос на цените утврдени на 21 јуни. Според новата одлука, малопродажните цени на бензините Еуросупер БС-95 и Еуросупер БС-98 се зголемуваат за 1,5 денари за литар, додека цената на Еуродизел (Д-Е V) за 1 денар за литар. И малопродажната цена на Екстра лесното масло за домаќинство (ЕЛ-1) ќе биде поголема за за 0,50 денари за литар, додека цената на Мазутот М-1 НС се зголемува за 1,144 денари за килограм и ќе изнесува 37,152 денари.
Од ноќеска на полноќ, максималните цени на нафтените деривати ќе изнесуваат: Еуросупер БС – 95, 71 денари за литар, Еуросупер БС -98, 73 денари за литар, Еуродизел БС (Д-Е V) 63 денари за литар и Екстра лесно ЕЛ-1, 62,50 денари за литар.
Во изминатиот седумдневен период цените на светските берзи во просек бележат зголемување кај: бензинот за 2,671 отсто, дизелот за 1,433 отсто, екстра лесното масло за домаќинствата за 1,411 отсто и мазутот за 2,244 отсто. Во истиот период курсот на денарот во однос на доларот е повисок за 1,332 отсто, информираат од РКЕ.
