fbpx

Ременски: Управниот суд со решение ја укина тужбата од Диме Спасов

-

Управниот суд донел решение со кое тужбата и предлогот за привремена мерка на дополнителниот заменик-министер Диме Спасов против министерката за труд и социјална политика се отфрла како беспредметна во случајот со разрешувањето директор и со именувањето в.д. директор за ЈУ Меѓуопштински центар за социјална работа Прилеп, информираше денеска на прес-конференција министерката за труд и социјална политика, Фросина Ташевска-Ременски.

Ременски појасни дека станува збор за тужбата и за решението за привремена мерка со кои Спасов, во својство на тужител, ги спорел решенијата за разрешување директор и за именување в.д. директор за ЈУ Меѓуопштински центар за социјална работа Прилеп кои таа ги донела во јануари годинава.

– Судот утврдил дека дополнителниот заменик-министер пред да ја поднесе тужбата, можел, но не се обратил до ДИК, која во согласност со законот е единствениот надлежен орган што одлучува кои кадровски, финансиски и правни прашања се однесуваат на организација на изборите. Тоа е потврда дека дополнителниот заменик-министер не ја испочитувал надлежноста на институциите утврдени и со Законот за Владата на Република Македонија – истакна Ременски.

Ова решение, додаде таа, истовремено е доказ дека во институциите на РМ работат совесни професионалци со интегритет, кои одлучуваат исклучиво по словото на законот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЦУК: Спасен овчар и стотина негови овци, биле заглавени на остров на надојдената Црна Река

Центарот за управување со кризи соопшти дека е спасен овчар кој, заедно со неговите овци, ненадејно се нашол на речен остров, откако реката Црна надошла. „На Единствениот број за итни...