fbpx

Регионот Харкив се соочи со 20 руски напади во изминатото деноноќие

Според началникот на администрацијата, делумно е оштетен предниот двокатен дел од пожарникарската станица, а погодени се и службено возило и четири приватни автомобили

-

Голем број згради и возила се оштетени откако руските сили извршија артилериски и минофрлачки напади врз областите на украинскиот регион Харкив што се граничи со Русија. Ова го соопшти шефот на Регионалната воена управа во Харкив, Олех Синиехубов преку Телеграм, пренесува Укринформ.

„Окупаторите нанесоа повеќе од 20 артилериски и минофрлачки напади врз цивилна инфраструктура и населението во областите во близина на границата“, напиша официјалниот претставник.

Според началникот на администрацијата, делумно е оштетен предниот двокатен дел од пожарникарската станица, а погодени се и службено возило и четири приватни автомобили.

Локалниот регионален гувернер, Олег Кипер, на Телеграм утринава соопшти дека руски беспилотни летала ја оштетиле пристанишната инфраструктура во областа Одеса, при што се повредени шест лица, од кои три потешко.

Нападот бил извршен во текот на ноќта, а оштетена е пристанишната инфраструктура во областа Измаил.

„Нападот бил извршен со неколку групи дронови. Покрај пристанишната инфраструктура, оштетувања има и на други локации на цивилна инфраструктура“, напиша Кипер.

Од друга страна, Русија соопшти дека Украина лансирала 10 проектили и три чамци без екипаж кон седиштето на црноморската флота на Крим, пишува Би-би-си.

Нападот предизвикал голем пожар во бродоградилиштето во Севастопол, а повредени се 24 лица. Русија соопшти дека два нејзини брода се оштетени како резултат на удари со крстосувачки ракети.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

За еден ден, две жени од Скопје нападнати од своите партнери

Два случаја во кои жени од Скопје се нападнати од своите партнери се регистрирани во полицискиот билтен во текот на вчерашниот ден. Околу 18 часот и 30 минути вчера, во...