Стотина бегалци од мигрантскиот центар Диавата, протестираат во центарот на Солун со барање да се отворат границите.
Бегалците сместени во прифатниот центар во близина на градот, попладнево со транспаренти тргнаа пеш на протест кон градот, скандирајќи ги своите барања да се отворат границите и апелирајќи дека живеат во лоши услови и сакаат да заминат од Грција.
Протестот заврши во центарот на Солун, на плоштадот Аристотел. Неизвесно е засега дали бегалците ќе останат да кампуваат и да протестираат на плоштадот.
Протести имаше и на Идомени, на железничката пруга, по утринската блокада на автопатот Солун – Евзони.
