„Професорски пленум“, по потпишувањето на указот за Законот за високо образовани од претседателот Ѓорѓе Иванов, испрати соопштение во кое се вели дека ќе посегнат по сите правни инструменти, меѓу кои и форми на граѓанска непослушност.
„Почитувани граѓани, укажуваме дека претседателот стави потпис на укази за прогласување на закони кои содржат неуставни одредби, со кои се руши автономијата на Универзитетот и правото на образование, одредби спротивни на Европската конвенција за човекови права, норми спротивни на европските образовни стандарди, конфузни и контрадикторни одредби, неспроведливи и неприменливи норми, норми што ќе ги продлабочат, наместо да ги решат образовните проблеми!“, стои во соопштението.