Седумдесет и петгодишен маж е уапсен вчеравечер на островот Закинтос, во областа Гаитани, бидејќи влечел куче зад своето возило, пренесува Екатимерини.
Возач од друг автомобил го снимил моментот кога кучето, врзано за куката за автомобилот, кое се влече и се бори да се ослободи. Во видеото, тој му кажува на човекот да го запре автомобилот, што и го направил. Видеото било испратено до локалната полиција која го идентификувала и го привела осомничениот.
Против 75-годишникот е поднесена кривична за злоупотреба на животни и се очекува во текот на денешниот ден да биде изведен пред јавен обвинител. Кучето било предадено на локална организација за заштита на животните и прегледано од ветеринар.
Како што изјавиле од Animal Life Care Group за грчките медиуми, кучето е старо, има лесни изгореници на шепите и не може да стои подолго време.
Коментирајќи го инцидентот, новиот министер за граѓанска заштита Нотис Митаракис изјавил дека „ваквото асоцијално однесување е неприфатливо“, додавајќи дека на човекот му е изречена парична казна од 30.000 евра, а ќе се чека и одлуката на јавниот обвинител во однос на понатамошната постапка.
Με άμεσες ενέργειες της @hellenicpolice ο δράστης έχει ήδη συλληφθεί και θα του επιβληθούν οι προβλεπόμενες ποινές. Τέτοιες αντικοινωνικές συμπεριφορές δε γίνονται αποδεκτές. https://t.co/lMRPadOihL
— Νότης Μηταράκης – Notis Mitarachi (@nmitarakis) June 28, 2023
