fbpx

Поставена биста на Томас Транстромер во седиштето на Струшките вечери на поезијата

Томас Транстромер е добитник на Златниот венец на Струшките вечери на поезијата во 2003 година

-

Во спомен-домот на браќата Миладиновци во Струга и седиштето на меѓународниот поетски фестивал Струшките вечери на поезијата е откриена биста на Томас Транстромер, добитник на Златниот венец на Струшките вечери на поезијата во 2003 година. Автор на спомен обележјето е академскиот вајар Сокол Цфарку, а бистата е донација од македонскиот иселеник во Шведска, Антонијо Трпeвски и неговата сопруга Пирко Т. Киленен.

На настанот беа прочитани песни од Томас Транстромер на македонски и на шведски јазик, а директорот на СВП, Тодорче Тасевски, во своето обраќање истакна дека монографијата со избрани песни од Томас Транстромер е мостот што ги зближува нашите две култури и жив паметник на силата на поетскиот збор, како на авторот, така и на препејувачот.

Томас Транстромер е еден од најпознатите шведски поети. Неговата поезија се карактеризира со чувството на мистерија и на чудо под површината на рутината на секојдневието, што им дава една религиозна димензија на неговите песни. Роден на 15 април 1931 година, а починал на 26 март 2015 година. Добитник е на Златниот венец на Струшките вечери на поезијата во 2003 година, а добитник на Нобеловата награда за книжевност во 2011 година.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.