Поранешниот изборен портпарол на рускиот претседател Владимир Путин е назначен за нов раководител на државната новинска агенција ТАСС, согласно владината одлука објавена денеска, објави Ројтерс.
Кремљ го назначил Андреј Кондрашов за генерален директор на ТАСС, а претходниот генерален директор Сергеј Михаилов денеска ја напуштил функцијата.
Ројтерс пишува и дека руската Влада ја има засилено контролата врз медиумите уште од почетокот на воената инвазија врз Украина, со затворање на водечките независни медиуми и обележувајќи голем број медиумски работници како „странски агенти“.
Кондрашов е телевизиски новинар кој во 2018 година работел како портпарол на изборниот штаб на Путин.
Новинската агенција ТАСС е основана во 1904 година и е прва официјална новинска агенција на Русија. Името го задржала од советската ера, а иницијалите значат Телеграфска агенција на Советскиот Сојуз.