Земјите од балканската бегалска рута не треба да преземаат еднострани мерки, туку тие да се вршат во координација со другите земји, порачал шефот на македонската дипломатија на средбата со колегите од Западен Балкан и со американскиот помошник државен секретар Викторија Нуланд, на маргините на Минхенската безбедносна конференција.
Попоски истакнал дека е значајно да се одржат добрите односи со соседите и оти сите треба да си ги завршат задачите на своја територија, особено земјите низ кои поминува бегалската рута.
Министерот, исто така, рекол дека со отворена комуникација и со координација полесно ќе можеме да се справиме со бегалската криза и оти само на тој начин ќе може да се зачува стабилноста на земјите што се наоѓаат на рутата.