Белгиските специјални сили вечерва почнаа операции во Брисел, јавуваат локалните медиуми.
Властите, откако на социјалните мрежи се појавија фотографии од полицајци, ја повикаа јавноста да не го пријавува нивното движење.
Користејќи го хаштагот #BrusselsLockdown, белгискиот министер за одбрана, Стивен Вандепут, апелираше до јавноста на „Твитер“ да не јавуваат за нивното движење на социјалните мрежи.
Veel pers, politie vraagt iedereen om verder weg te gaan staan, geven geen verklaring waarom pic.twitter.com/E0ovBVSTjF
— rob heirbaut (@heirbar) November 22, 2015
„Од безбедносни причини, ве молиме за молк на социјалните мрежи во врска со тековната полициска акција“, соопшти портпаролот на полицијата на „Твитер“. Неколку улици во центарот на Брисел се блокирани со полициски кордон, додека голем број полицајци се распоредени во општината Етербик, во близина на главниот град. „Полицијата побара од многумина да се оддалечат од местото што е можно подалеку, без притоа да даде какво било објаснување“, напиша репортерот на ВРТ на „Твитер“, објавувајќи фотографија од вооружен полицаец на улица.
Brussels to remain on highest terror alert on Monday with schools, metro closed – PM https://t.co/tzQuMdqpUY pic.twitter.com/VDaOrsdWoI — RT (@RT_com) November 22, 2015
Хеликоптери надлетуваат врз одредени делови на Брисел.
Белгиското министерство за внатрешни работи, исто така, побара и од медиумите да не даваат прецизни информации за локациите на специјалците.
Највисокиот степен на опасност ќе остане и утре на сила, соопштија од кабинетот на белгискиот премиер, додавајќи дека постојат сериозни информации дека се подготвувале координирани напади врз Брисел, слични на тие од Париз.
Reception pic.twitter.com/rYlQezLkPC
— alex thomson (@alextomo) November 22, 2015
Брисел се најде во центарот на истрагата за нападите во Париз, откако се откри дека неколку од напаѓачите пристигнале во француската престолнина преку Белгија. Еден од напаѓачите се претпоставува дека се вратил во Белгија.
