Основното јавно обвинителство – Скопје денеска поднесе обвинение против дадилката што малтретираше деветмесечно бебе, а Основен суд 1 доставил предлог за продолжување на притвор.
Кривична пријава била поднесена од Министерството за внатрешни работи, по што обвинителството повело постапка против дадилката, а надлежниот обвинител ги презеде сите потребни дејства за да ја утврди фактичката состојба.
„Донесеното обвинение се заснова на прибраните докази, меѓу кои и извршените вештачења, особено за психичката состојба на осомниченото лице и за настанатите последици кај детето. Едновремено со поднесување на обвинението, јавниот обвинител до Основниот суд Скопје 1 – Скопје достави и предлог за продолжување на мерката притвор за осомничената“, се вели во соопштението од Јавното обвинителство.
