fbpx

Пет партии ќе влезат во новиот парламент на Бугарија, ПП-ДБ и ГЕРБ во тесна трка

-

Според две истражувања на јавното мислење, објавени вчера и денеска, во новиот состав на бугарскиот парламент ќе влезат пет политички партии, пренесува Бугарското национално радио (БНР).

Во поглед на популарноста, пак, двете анкети на првото место од петте партии ставаат различни коалиции.

Според анкетата на „Алфа Рисерч“, веројатно најетаблираната социолошка агенција во Бугарија, победници на парламентарните избори следниот месец би биле коалицијата „Продолжуваме со промената“ (ПП) и „Демократска Бугарија“ (ДБ), која беше доминантниот партнер во последната политичка влада на Бугарија, предводена од Кирил Петков. Според анкетата, 26,4 отсто од гласачите се определиле за неа.

Илустрација: Алфа Рисерч

Во друга пак, анкета објавена денеска, а спроведена од „Сова Харис“, предност има коалицијата ГЕРБ-СДС на поранешниот премиер Бојко Борисов, со 27,4 отсто доверба. Во оваа анкета, за ПП-ДБ се вели дека има 25,7 отсто доверба.

Вчера објавената анкета на „Алфа Рисерч“, пак, ГЕРБ-СДС ги смести на второто место, а по нив се Движењето за права и слободи (ДПС) и националистичката „В’зраждане“ (Преродба) на Костадин Костадинов, кој заедно со Ангел Џамбаски настапи со навреди во Скопје на панихидата на Мара Бунева и беше еден од главните заговорници за масовно доаѓање на илјадници Бугари во Скопје за одбележување на јубилејот на Гоце Делчев.

На петтото место на листата партии за коишто и двете анкети прогнозираат дека ќе влезат во новиот бугарски парламент е Бугарската социјалистичка партија (БСП).

Во поглед на ПП-ДБ, според Алфа Рисерч, оваа коалиција може да ги подобри шансите за победа на изборите на 2 април, ако успеат да привлечат помлади гласачи и гласачи што не толку активно ги следат политичките случувања, коишто вообичаено одлука за кого ќе гласаат носат во последните денови пред изборите.

Партијата „Има таков народ“ на шоуменот Слави Трифонов, која беше коалициски партнер во последната политичка влада и беше причината за нејзиниот распад е далеку од шансите да влезе во новиот состав на парламентот, оти има само 3,2 отсто доверба, што е 0,8 проценти под прагот за влез во парламентот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Меѓаши: Младите треба отворено да зборуваат ако имаат суицидни мисли

Потребна е поголема поддршка од институциите за негување на детското ментално здравје, а сите треба да учествуваме во детабуизирање на темата. Ова беа заклучоците на денешното презентирање на наодите на...