Скопјанецот И.К. (55) вчера бил удрен од автомобил на улица во Чаир, по што бил пренесен во Ургентен центар, каде по кратко време починал.
Како што соопшти полицијата, сообраќајката се случила вчера во 20.20 часот на улицата „Кемал Сејфула“ во Скопје, кога автомобил „ауди А3“ со турски таблички, управуван од Џ.Ш. (28) од Скопје, удрил во И.К. и му нанел тешки повреди. Со Итна помош повредениот бил пренесен во Ургентниот центар, но починал набргу.
Увид на местото на несреќата извршиле јавен обвинител и екипа од СВР Скопје, а по наредба на обвинителот, телото на починатиот било предадено за обдукција.
